Tuesday, August 29, 2017

རྒྱལ་ཚོགས་མདུན་དུ་བོད་དོན་ཞུ་གཏུག་ལས་འགུལ་ཐེངས་༦༧ སྤེལ།

དེ་རིང་ཕྱི་ཚེས་༡༢་ཉིན་སུད་སི་ཇི་ནི་ཝ་མཉམ་འབྲེལ་རྒྱལ་ཚོགས་མདུན་ཐང་དུ་ཁྱིམ་ཚང་བདུན་གྱིས་རྒྱལ་ཚོགས་ལ་བོད་དོན་ཞུ་གཏུགས་དང་བོད་མིའི་སྐྱིད་སྡུག་མཉམ་མྱོང་གི་ལས་འགུལ་ཐེངས་༦༧ སྤེལ་ཡོད་པ་དང་།   ཐེངས་འདིའི་ལས་འགུལ་ནང་བོད་དོན་འགྲེལ་བརྗོད་གྱི་ཡིག་ཆ་གྲངས་༥༠༠ལྷག་འགྲེམ་སྤེལ་དང་། མཉམ་འབྲེལ་རྒྱལ་ཚོགས་དང་རྒྱལ་ཚོགས་འགྲོ་བ་མིའི་ཐོབ་ལྷན་ཁང་གཉིས་སུ་བོད་དོན་སྙན་ཞུ་དང་། ཕྱི་དྲིལ་ལས་ཁུངས་ཀྱིས་འགྲེམ་སྤེལ་གནང་བའི་ད་ལོའི་ཟླ་དྲུག་པའི་འགྲོ་བ་མིའི་ཐོབ་ཐང་གི་སྙན་ཐོ་( MONTHLY UPDATES ON HUMAN RIGHTS SITUATION IN TIBET- JUNE 2017)
བཅས་ཕུལ་ཡོད་འདུག 

ལས་འགུལ་འདི་ནི་རྒྱལ་ཚོགས་མདུན་དུ་བོད་དོན་ཞུ་གཏུག་ལས་འགུལ་ཐེངས་༦༧ པ་ཆགས་ཡོད་ཅིང་། ཐེངས་འདིའི་ལས་འགུལ་ནང་སྔར་ཡོད་ལས་འགུལ་བ་ཁྱིམ་ཚང་དྲུག་གི་ཐོག་སུད་སི་ནང་གནས་སྡོད་ཚེ་རིང་རྒྱལ་བོ་ལགས་ཀྱི་ནང་མི་དངོས་སུ་ལས་འགུལ་ནང་མཉམ་ཞུགས་གནང་བས། རེབ་འདི་ནས་ལས་འགུལ་བ་ཁྱིམ་ཚང་བདུན་ཆགས་ཤིང་། ཁྱིམ་ཚང་བདུན་གྱིས་ངོས་ནས་རྒྱལ་ཚོགས་མདུན་དུ་བོད་དོན་ཞུ་གཏུག་གི་ལས་འགུལ་མུ་མཐུད་སྤེལ་རྒྱུ་ཡིན་འདུག


ཁྱིམ་ཚང་བདུན་གྱི་བོད་དོན་ཞུ་འབོད་དམ་བོད་མིའི་སྐྱིད་སྡུག་མཉམ་མྱོང་གི་ལས་འགུལ་འདི་ནི་ ཕྱི་ལོ ༢༠༡༢ ཟླ ༡༢ ཚེས ༡༠ ནས་ཇི་ནེ་ཝ་རྒྱལ་ཚོགས་མདུན་དུ་སུད་སི་གནས་སྡོད་ཁྱིམ་ཚང་གཉིས་ཀྱི་འགོ་འཛུགས་གནང་བ་དང་། ཕྱི་ལོ ༢༠༡༤དང་༢༠༡༥ལོར་རིམ་བཞིན་ཁྱིམ་ཚང་གསུམ་དང་ཁྱིམ་ཚང་བཞི་ཡིས་ཟླ་རེའི་གཟའ་ལྷག་པ་དང་བོ་ནམ་ཡིན་ལ་ལས་འགུལ་སྤེལ་ཅིང་། ཕྱི་ལོ ༢༠༡༦ ཟླ ༡ ཚེས ༡༣ ནས་བཟུང་ཁྱིམ་ཚང་དྲུག་གི་ལས་འགུལ་དུ་གྱུར་ཞིང་། ༢༠༡༧ ལོའི་ཟླ་༧ ཚེས་༡༢ ཉིན་ཚེ་རིང་རྒྱལ་བོ་ལགས་ཀྱི་ནང་མི་མཉམ་ཞུགས་གནང་བ་ནས་ཁྱིམ་བདུན་གྱི་ལས་འགུལ་མུ་མཐུད་སྤེལ་བཞིན་པ་དང་། ཟླ་རེའི་གཟའ་ལྷག་པ་གཉིས་པ་ནམ་ཡིན་ལ་མཉམ་འབྲེལ་རྒྱལ་ཚོགས་གཙོས་པའི་རྒྱལ་ཁབ་ཁག་གི་སྲིད་གཞུང་དང་། གྲོས་འཐུས།ཚོགས་སྡེ་དང་མི་སྒེར་བཅས་འཛམ་གླིང་མི་མང་ལ། བོད་ནང་གི་བོད་མིའི་མངོན་འདོད་དང་། རྒྱལ་གཅེས་དཔའ་བོ་དཔའ་མོ་རྣམས་ཀྱི་འབོད་སྒྲ་དང་ཞལ་ཆེམས་དོན་ཚན་ཁག་ཞུ་གཏུག་བྱེད་ཀྱིན་ཡོད་འདུག
གསར་འགོད་པ། ཙ་ཡུས་ཕུན་ཚོགས། 

No comments:

Post a Comment