ཕྱི་ལོ་ ༡༩༥༠ ལོ་ནས་འགོ་འཛུགས་ཀྱིས་རྒྱ་མིའི་དྲག་པོའི་དཔུང་དམག་གིས་བཙན་འཛུལ་བྱས་ཏེ།
བོད་མི་འབུམ་བཅུ་གཉིས་ ༡༢༠༠༠༠༠ ལྷག་གི་ཚེ་སྲོག་འཕྲོག་པ་དང།
ལྷག་པར་དུ་བོད་དུ་མི་སེར་སྤེལ་ཡུལ་གྱི་སྲིད་ཇུས་ཤུགས་ཆེར་སྤེལ་ཏེ་མི་འབོར་གྱིས་བཙན་འཛུལ་དང་།
སྐད་ཡིག་རིག་གཞུང་དང། ཆོས་ལུགས། ས་དབང་། སྒེར་བདག་སྒོ་ཕྱུགས།
ཐ་ན་བསམ་བློའི་འཁྱེར་སོ་ཚུན་ཆད་ལའང་སྟངས་འཛིན་དོ་དམ་འོག
བོད་མི་རྣམས་དུད་འགྲོ་བཞིན་རྩིས་ཐང་མེད་པར་མཉའ་གནོན་ཚད་ལས་བརྒལ་བ་བཏང་བར་བརྟེན་བོད་མི་རྣམས་སྡོད་ཐབས་བྲལ་ཏེ།
ཕྱི་ལོ་ ༡༩༨༧ ལོ་ནས་ལྷ་སའི་ཞི་བའི་གྱེན་ལངས་དང། ཕྱི་ལོ་ ༢༠༠༨
ལོར་བོད་ཀྱི་ས་ཁུལ་སྟོད་སྨད་བར་གསུམ་དུ་གཞི་རྒྱ་ཆེ་བའི་ས་བྱི་ལོའི་ཞི་རྒོལ་ཆེན་མོ་སོགས་བྱུང་བ་དང།
ད་དུང་བོད་ཀྱི་རི་ཀླུང་ཀུན་ཏུ་གཏེར་ཁ་འདྲ་མིན་གང་བྱུང་སྔོག་འདོན་གྱིས་བོད་ཀྱི་ཁོར་ཡུག་ལ་གནོད་སྐྱོན་ཚབས་ཆེན་བཏང་དང་གཏོང་བཞིན་པའི་སྲིད་ཇུས་འདི་དག་གི་བརྒྱུད་རིམ་ཁྲོད།
མི་རིགས་དང་། དཔལ་འབྱོར་དབྱེ་འབྱེད། ཁོར་ཡུག་དང་རིག་གཞུང་རྩ་གཏོར།
བོད་ཀྱི་ཡུལ་དང་མི་རིགས་རྩ་མེད་དུ་འགྲོ་རྒྱུའི་ཉེན་ཁའི་མཚམས་སུ་བསྐྱལ་ཡོད།
རྒྱ་གཞུང་གི་ནོར་འཁྲུལ་ཅན་གྱི་སྲིད་ཇུས་ལ་བོད་མི་རྣམས་ཡིད་མ་རངས་པར་ངོ་རྒོལ་ཆེད།
ཕྱི་ལོ་ ༢༠༠༩
ལོར་རྔ་བ་ཀིརྟིའི་རྒྱལ་གཅེས་དཔའ་བོ་གྲྭ་བཀྲ་བྷེ་ལགས་ཀྱིས་རང་གི་རྒྱལ་ཁབ་དང་མི་རིགས་ཀྱི་དོན་དུ།
རང་ལུས་མེར་བསྲེགས་ཀྱིས་ཆེས་ཚད་མཐོ་བའི་ཞི་རྒོལ་གྱི་ལས་འགུལ་འགོ་བཙུགས་པ་ནས་ཕྱི་ལོ་༢༠༡༥ཟླ་༡ཚེས་༡༤བར་བོད་ནང་ཤེས་རྟོགས་ར་འཕྲོད་གསལ་བོ་བྱུང་བ་རྒྱལ་གཅེས་དཔའ་བོ་དཔའ་མོ་༡༣༥
ཙམ་གྱིས་གཅིག་མཇུག་གཉིས་མཐུད་དུ་རང་ལུས་མེར་བསྲེགས་གནང་ཡོད་པ་ཁོང་རྣམ་པའི་སེམས་ཁོང་གི་འབོད་སྒྲ་དང་ཞལ་ཆེམས།
འདས་ཟིན་པའི་རྒྱལ་གཅེས་དཔའ་བོ་དཔའ་མོ་ས་ཡ་གཅིག་དང་འབུམ་གཉིས་ལྷག་གིས་ཤུལ་དུ་བཞག་པའི་འབོད་སྒྲ་དང་ཞལ་ཆེམས།
དེ་བཞིན་གཞིས་ལུས་རྒྱ་ཆེའི་མི་མང་ལ་རང་དབང་གིས་ཞུ་གཏུག་བྱེད་ས་དང་བདེན་པ་བདར་སའི་ཁྲིམས་རའི་ཁོར་ཡུག་ཚད་ལྡན་ཅིག་མེད་པར་བརྟེན།
ང་ཚོ་ཡུ་རོབ་སུད་སི་རྒྱལ་ཁབ་རང་དབང་ལུང་པའི་ནང་གནས་སྡོད་ཁྱིམ་ཚང་གཉིས་ཀྱས་ཁོང་ཚོའི་ཚབ་བྱས་ཏེ།
ཐོག་མར་ཕྱི་ལོ་ ༢༠༡༢ ཟླ་ ༡༢ ཚེས་ ༡༠ ནས་ཇི་ནེ་ཝ་རྒྱལ་ཚོགས་ཀྱི་མདུན་དུ་བོད་མིའི་སྐྱིད་སྡུག་མཉམ་མྱོང་གི་ལས་འགུལ་ལོ་གཅིག་གི་རིང་ཟླ་རེའི་གཟའ་ལྷག་པ་དང་བོ་དང་གསུམ་པ་ནམ་ཡིན་ལ་སྤེལ་པ་དང་།
ཕྱི་ལོ་༢༠༡༤
ལོར་ཁྱིམ་ཚང་གསུམ་གྱིས་ལོ་གཅིག་གི་རིང་ཟླ་རེའི་གཟའ་ལྷག་པ་དང་བོ་ནམ་ཡིན་ལ་ལས་འགུལ་སྤེལ་ཅིང་།
ཕྱི་ལོ་༢༠༡༥ཟླ་༡ ཚེས་༡༤ ནས་བཟུང་ཁྱིམ་ཚང་བཞི་ཡིས་སླར་ཡང་ལས་འགུལ་འགོ་འཛུགས་ཀྱིས་ཇི་ནེ་ཝ་མཉམ་འབྲེལ་རྒྱལ་ཚོགས་ཀྱི་མདུན་དུ།
ལོ་གཅིག་གི་རིང་ཟླ་རེའི་གཟའ་ལྷག་པ་གཉིས་པ་ནམ་ཡིན་ལ་མཉམ་འབྲེལ་རྒྱལ་ཚོགས་གཙོས་པའི་རྒྱལ་ཁབ་ཁག་གི་སྲིད་གཞུང་དང་།
གྲོས་འཐུས། ཚོགས་སྡེ་དང་མི་སྒེར་བཅས་འཛམ་གླིང་མི་མང་ལ། རང་ནུས་ཅི་ལྕོགས་ཀྱིས་ཁོང་ཚོའི་འབོད་སྒྲ་དང་ཞལ་ཆེམས་དོན་ཚན་ཁག་ཞུ་གཏུག་བྱ་རྒྱུ་དེ་ཡིན
དགོས་འདུན་དོན་ཚན་ཁག་ནི།
དགོས་འདུན་དོན་ཚན་ཁག་ནི། ༡
ཕྱི་ལོ་ ༡༩༥༩ དང་ ༡༩༦༡ ། ༡༩༦༥
སོ་སོར་འཛམ་གླིང་མཉམ་འབྲེལ་རྒྱལ་ཚོགས་ཀྱིས་བོད་དོན་ཐོག་བཞག་པའི་གྲོས་ཆོད་ཁག་སླར་ཡང་མཉམ་འབྲེལ་རྒྱལ་ཚོགས་ནས་གླེང་སློང་དང་ལག་བསྟར་མཇུག་གནོན་གནང་རྒྱུ་དང་།
༢
བོད་ཡུལ་འདི་སྔར་བཞིན་རང་དབང་ལྡན་པའི་ཞི་བདེ་བག་ཕེབས་ཀྱི་ཡུལ་ཞིག་ཏུ་བསྐྲུན་རྒྱུ།
༣
འདས་ཟིན་པའི་རྒྱལ་གཅེས་དཔའ་བོ་དཔའ་མོ་ས་ཡ་གཅིག་དང་འབུམ་གཉིས་ལྷག་གིས་བོད་མི་རིགས་ལ་ཤུལ་དུ་བཞག་པའི་ལོ་རྒྱུས་དང།
རང་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་འབོད་སྒྲ་དང་ཞལ་ཆེམས།
དེ་བཞིན་གཞིས་ལུས་རྒྱ་ཆེའི་མི་མང་གི་གལ་གནད་ཆེ་བའི་སེམས་ཀྱི་མངོན་འདོད་ལྟར།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གང་མགྱོགས་བོད་དུ་ཕེབས་རྒྱུར་མཐུན་འགྱུར་གནང་ཐབས།
༤
ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་རིན་པོ་ཆེ་མཆོག་དང་།
སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་གཙོས་བོད་ནང་གི་ཆབ་སྲིད་བཙོན་པ་ཡོངས་རྫོགས་ཆ་རྐྱེན་གང་ཡང་མེད་པར་གློད་ཐབས།
༥
བོད་ནང་རང་ལུས་མེར་བསྲེགས་ཀྱི་ཛ་དྲག་གི་དོན་རྐྱེན་བྱུང་དང་འབྱུང་བཞིན་པའི་ཐད།
མཉམ་འབྲེལ་རྒྱལ་ཚོགས་ཀྱི་ངོས་ནས་རང་དབང་ལྡན་པའི་རྟོག་ཞིབ་ཚོགས་ཆུང་ཞིག་ཛ་དྲག་གིས་བོད་དུ་ཆེད་གཏོང་གནང་རྒྱུ།
No comments:
Post a Comment